Gwynedd yn sefyll gyda phobl Catalwnia

Ar ddechrau cyfarfod o gabinet Cyngor Gwynedd heddiw (15 Hydref), gwnaeth arweinydd Plaid Cymru Gwynedd, Dyfrig Siencyn ddatganiad yn nodi eu bod fel gwleidyddion yn sefyll yn gadarn gyda phobl Catalwnia, yng ngwyneb y gorthrwm y mae naw o wleidyddion y wlad yn ei wynebu.

“Dwi’n teimlo’n hollol ddig bod rhyddid naw o wleidyddion blaengar Catalwnia wedi ei ddwyn oddi arnynt am gynnal pleidlais i fynegi barn y bobl ar annibyniaeth eu gwlad. Mae’n warth i ddemocratiaeth a dwi’n llwyr gondemnio gweithredoedd gwladwriaeth Sbaen.

“Mae’n brawychu dyn bod rhyddid yr unigolyn i fynegi barn wedi ei chwalu yn Sbaen yn yr unfed ganrif ar hugain. Mae’n ymosodiad ar ddemocratiaeth y wlad, mae’n ymosodiad ar hawliau dynol sylfaenol ac mae’n tanseilio popeth rydyn ni, fel poblogaeth wâr yn ei gredu.

“Safwn gyda phobl Catalwnia heddiw, safwn gyda’i gwleidyddion sydd dan glo a safwn fel un gyda phobl y wlad.

“Mae’n warth bod diffyg ymateb yn dod gan Llywodraeth San Steffan ar y mater tyngedfennol pwysig yma sy’n herio democratiaeth ledled y byd. Galwn ar yr Undeb Ewropeaidd i herio Llywodraeth Sbaen ac i sicrhau eu bod yn ateb eu camweddau, yn ddi-oed.

Ychwanegodd y Cynghorydd Siencyn eu bod yn cofio hefyd am ein cymrodyr yn Cwrdistan sydd fel gwleidyddion Catalwnia yn dyheu am eu rhyddid o dan orthrwm byddin Twrci.

diwedd


Byddwch y cyntaf i wneud sylw

Edrychwch yn eich e-bost am ddolen i fywiogi eich cyfrif.

Mae hyn yn dechrau gyda chi

Ganddyn nhw mae'r arian, ond gennym ni mae'r bobl. Os yw pawb sy'n ymweld â'r wefan hon yn ymuno â'n symudiad yna does dim na allwn ei gyflawni.